القريه الفرعونيه
السلام عليكم ورحمه الله وبركاته ..♥♥
محد سحب على المدونه في السفر طبعاً , بس
صورت كثير وان شاءالله عندي تدوينات كتير واولها
تدوينه القريه الفرعونيه يلا بسم الله
اول شي اجازتنا بمصر كانت اغلبها
بالقاهره فشوفنا اشياء اكتر بكتيير من الاسكندريه والقريه هادي موجوده بالقاهره
رسوم الدخول للقريه
الرسوم تختلف من المصريين والاجانب
وتختلف كمان على حسب الاشياء والاماكن اللي حتزوريها دحين حفسرلكم كلامي
في القريه في :1- زياره القريه وهادا لكل
الاشخاص
2- زياره المتاحف هيا 6 متاحف والمقبره ويختلف
دخولها على حسب التذكره
3- وجبه الغداء وكمان على حسب التذكره
4- واخيرا رحله اليخت وايضاً على حسب
تذكرتكم ياجميلات
الصراحه مااعرف اسعار جميع التذاكر
فبقولكم حقتنا
تذكرتنا كانت الشامله يعني مع القريه
والمتحفين الاساسين كانت عندنا زياره 4 متاحف نحنا نختارها والغدا والرحله باليخت
في النيل
للشخص :275 جنيه وللأطفال الى عمرعشر سنين:250 وفوق الثلاث سنين:25 اعتقد
نبدا الصور ..
غرفه الانتظار
هنا زياره القريه كانت على اممم اقدر اسميه قارب كبير والله ماعرف اسمه هههه شي اقرب ان يكون قارب عليه كراسي صفوف ويتجول في النيل وفي هذي التماثيل يشرح كل واحد لما نوصل عندو زي مسجل او حاجه زي كذا بالاضافه الى التماثيل في اعمال المصريون القدماء وقصه النبي موسى يمثلها ناس مرره عجبني
الين هنا كانت الجوله الاساسيه اللي حتى لو ماخذه التذكره الارخص
اخترنا متحف السادات وسيدات حول العالم والاهرامات وكيلوباترا
بعد كذا رجعونا لغرفه الاستقبال وركبونا يخت كبير
وسولنا رحله في النيل مدتها ساعه الا ربع
ماقدرت اصور لان كان خلاص الليل جا ومو باين شي
وبكدا تكون خلصت رحلتنا الى القريه الفرعونيه الرائعه
اذا رحتو القاهره لازم تروحو دا المكان جميل وحتستمتعو جدا
حتقضو يوم كاامل نحنا رحنا على الساعه 3 تقريبا ورجعنا 8 الحمدلله استمتعنا كلنا من صغارنا لكبارنا
take a short break with me
insta:@fatem_97
عجبني البوست شوقتينا نزور هالمكان
ردحذف