Ombere Hair -صبغة الاومبري

بسم الله الرحمن الرحيم ..
السلام عليكم ..
كيف حالكم ؟ واخباركم ؟ وعلومكم ؟
مطولة بس ايش نسوي هذه حال الدنيا ..بحاول احزنكم عليّا وكدا .
المهم اليوم حنتكلم عن صبغة مو مرّة جديدة بس اشتهرت هذي الفترة وهي صبغة الامبري ombere
للي مايعرف هذي الصبغة تكون مو لون واحد يعني لونين بس مدرجيين  ~~اعتقد فهمتوني ~~
هادا النوع من الصبغات جدا حلو بس لاتتحمسو وتحطو الوان غريبة يطلع مررة لا مثلا  زي هنا جا حلو البني الغامق والاشقر

 

مو زي تخلطي لونين مرا مو جاين على بعض زي كدا

 

طبعا في ناس يعجبها والناس اذواق بس بقول رأيي الخاص !

انا عجبني اكثر على البني وهادي امثلة للشعر الطويل والقصير

 

وهنا الطريقة اخدتها من مدونة منال :



 



تحتاجين:

1 كيس من البلوندر "الميش"

1 اكسجين بقوة 9%

1 علبه صبغة بلون أشقر بلاتيني

2 علبه من صبغه أشقر غامق

اول شيء خلطت كيس واحد من بودرة البلوندر مع نص علبه من الاكسجين 9%

 

 

اولاً: ربطت شعري كذا علشان ما يتحدد من تحت
ويصير الون متجانس و متداخل مع بعض

ولما حطيتها خفت وغسلتها بسرعه ممكن بس 5 دقايق

لاني خفت اول مره استخدمها

بعد ما غسلته ندمت اني تسرعت

انتظرت يومين ورجعت سويتها من جديد بنفس الخلطه بس
زودت ماسك الشعر من غارنيه
مو شرط هذا النوع اي ماسك عندك يفي بغرض
علشان احمي شعري حطيت تقريبا نص ملعقه
وانتظرت نص ساعه

بعدها شلت الربطه وغسلت شعري
"على فكره المرحله هذي تعتبر سحب لون فانتبهي منها ممكن ينحرق شعرك"

 

 

ثانياً:  خلطت علبه من اشقر غامق مع ثلاث ارباع من علبه من اشقر بلاتيني

لاني ابي الون نسبيا غامق مو فاتح كثير

واضفت ملعقه من الماسك

صيغت الجذوركلها ونزلت حتى للجزء الي صبغته فاتح علشان يتدرج الون

يعني اخذت من الجزء الفاتح تقريبا 4 سم

لانه ما يطلع ابدا حلو اذا ما سويتي هذي الحركه مهمه جداً

وانتظرت نص ساعه بدون ما اغسل شعري

بعدها خلطت الربع الباقي من اشقر بلاتين

مع اقل من ربع علبه اشقر غامق مع شوي ماسك

وانتظرت ربع ساعه

والحمد لله الون طلع زي مابغيته

 

وبس هي دي الهرجة ومافيها

اذا حابين تشوفوا مدونة منال :

http://manal--blog.blogspot.com/2013/07/blog-post.html