ثورة العظماء
بسم الله الرحمن الرحيم
اهلا يا رفاق ..
من اخر تدوينه الى يوم كتابتي لهذه التدوينه تغيرت أشياء كثيره
"حكومتين سقطت , وغالبا التالته في الطريق "
اعتذر لأنقطاعي عن التدوين طيله تلك الفتره , لكن اعتقد ان دوري في ارض
الواقع اهم من الجلوس في المنزل والكتابه .
مظاهرات , مواكب واعتصامات
غاز مسيل للدموع , قنابل صوتيه ورصاص
كل هذا عشناه في الاربعه شهور الاخيره
لكن اكثر اللحظات المؤثره كانت في يوم
6 ابريل
الموكب الأكبر على مر تاريخ الثوره #مليونيه6ابريل
الذي دعى له تجمع المهنيين السودانيين
ادناه قصتنا يوم 6 ابريل
(يمكنك
تخطيها و الوصول للمهم عزيزتي /عزيزي القارئ)
أتذكر
في هذا اليوم اتفقت مع صديقاتي انه نطلع في البريك بين المحاضرتين
العبايات
والشنطه الصغيره ( الكروس باق ) كانت الراعي الرسمي لذلك اليوم
شاء
القدر ان المحاضره الأولى تتاخر الى الساعه 1 ونص
كميه
التوتر اللي كانت فينا في تلك اللحظات لا تتوصف
موعد
الوكب من المفترض الساعه الواحده تماما ..
رساله
نصيه هديل الى فاطمه :
فطوم
الموكب بدا حنعمل شنو
فاطمه
الى هديل :
الخطه
التانيه طوالي نمشي على القياده وننتظر الموكب هناك لانهم حيكونو اتحركو من نقطه
التجمع
هديل
الى فاطمه :
ولو
الموكب ماوصل القياده حنعمل شنو ؟
فاطمه
الى هديل
فشل
ارسال الرساله (رصيدي قطع)
........
بعد 3
ساعات من ركوب الركشات والمشي المتواصل وصلنا القياده
المنظر
كان مهيب جدا
 |
| portsudan 10 april |
الجدير بالذكر ان الموكب وصل بعد محاولات كتيره من جهاز الامن
لافشال الوصول الى نقطه النهايه
بعد نص
ساعه من الهتاف الجميل وخروج الجيش والتصريح بأنحيازهم الى الشعب
بمبان
(غاز مسيل للدموع ) من حيث لا نحتسب وكله في اتجاه واحد
كرد فعل
طبيعي بدأنا نجري بالاتجاه المافيه بمبان
وهنا
المفاجاه سيارات الامن في كل اتجاه كانت لنا بالمرصاد عرفت انه كان كمين
مسكونا
انا واختي و2 من صحباتي حوالي 5 من رجال الامن
بعد
تحانيس وشويه دموع فكونا الحمدلله ( او
بالاصح جرينا تاني )
للان كل
مانتذكر الموقف بنموت من الضحك
 | |
| Khartoum 6 april |
 |
| portsudan 6 april |
بعد يوم 6 طلعنا موكبين
تقريبا
الحماس زاد و الخوف انتهى
(تقريبا عشان اتحطينا في اصعب موقف وهوا الاعتقال تاني مافي
حاجه حنخاف منها )
الشي الملاحظ انه رجال الامن في الأيام اللي بعد يوم 6
كان اعدادها اقل بكثير من قبل
يوم 11 ابريل الساعه 6 صباحا
مكالمه
من بابا
نايمه
لحدي اسي لشنو والبشير سقط قومو افتحو التلفزيون
في الدقائق اللي بعد المكالمه حرفيا كنت احسب نفسي بحلم !
مافي كلمات حتعبر عن اليوم دا فعلا كأنه عيد .. عيد الوطن
4 شهور من التعب عشان نوصل للنقطه دي
بعد مكالمه بابا جاتني كميه مكالمات من صحباتي وكلها كانت بنفس
المضمون :
عملناااها سقطناا البشير .
 |
| khartoum |
يوم 12 ابريل سقوط ابن عوف
يومين للتاريخ كميه الفرح اللي كانت في الشارع غير طبيعيه
وللان ثورتنا مستمره
حتى تتحقق جميع مطالبنا
ثوره 19 ديسبمر ثوره العظماء
" ثوره علمتنا الكثير ولا زالت تعطينا الدروس يوما
تلو الاخر
ثوره
علمتنا حب وطنا اللي ما اتعلمنا لا في المدارس ولا في الكتب
طلعت
وطنيتنا الكانت متخبيه جواتنا
زمان كنا
بنقول السودان قدم لينا شنو عشان نعمل ليه
اسي بنقول
حنبنيهو البنحلم بيه يوماتي "
ولسا
#حنكمل_المشوار
Fatem .
تعليقات
إرسال تعليق