when did all these start
When did all these start?
السلام عليكم ورحمه الله
اعتقد اغلبنا بيكون عنده الحاله دي في وقت من الأوقات "عايز يعمل
حاجه فنانه! حاجه تغير من العالم " وبعد الحماس الرهيب اللي بعيشه في
هذه اللحظه بيختفي ويتلاشى الحلم دا مع العوده للواقع الأليم
بالذات ان كان محيطك ملم بناس
سلبيه اللي بيقولو لك ( خلاص لما تغيير لينا العالم نادينا بالله باستهتار بالغ ! )
انا دائما وابدا بتجيني الحاله دي واعتقد لحدي ما اموت حكون بفكر كدا
للناس اللي قرأت او شافت فيلم
the fault in our stars
وكلام أغسطس واترز عن ترك بصمه في العالم , حاجه يعملها تخلي الناس
ماتنساه وهوسه الشديد بالموضوع دا
أحيانا بحس نفسي اني أغسطس واترز نفسي كدا هوس شديد بدون فائده ودائما
مابأجل المواضيع للوقت
الأفضل والمناسب ..
طيب يمكن مافي وقت افضل ؟ السؤال دا بدأت اسأل نفسي فيه بعد وفاه
قريبنا في يوم عرفه ليله العيد متخيلين كميه الصدمه اللي كنا فيها , وبالذات انه
كان عمره قريب مني
ياربي امجد الله يرحمه عمل كل
الكان عايز يعمله ؟ ولا اجل حاجات للوقت المناسب والمناسب دا ماجا وزمنه انتهى في
دنيانا دي ؟ !
فموت واحد عمره
قريب مني + انو انا أصلا عندي الهوس دا كان نتيجه ما انا عليه اسي
مافي وقت مناسب مافي أوضاع افضل وعمرك ماضامنه !
في يوم واحد قررت اعمل أي حاجه انا عايزا اعملها وكنت مأجلاها
عايزا افتح بيزنس خاص .. بدأت اشتغل انا وصحبتي على بيزنس خاص بينا
عايزا أعيش حياه هاديه بدون مشاكل ومضايقات .. كنسلت أي ناس من حياتي كانو بضايقوني باي
شكل من الاشكال
والأشخاص اللي بعدت منهم وبحس بالراحه والسعاده معاهم بحاول ارجع ليهم
الكومنت اللي بيزعجني بحذفو الكلام الي بيعجبني بعمل ليها كابتشر
واحطها في دفتري
علاقتي مع ربي اللي دائما بحس انها شي خاص وما بحب أي احد يدخل فيها
حتى من ناس البيت
بدات احسنها كتير لاني طلعت مهمله جدا والوقت زي ماقلت مافي صالحي
21 سنه عشتها لما اقعد افكر عملت فيها شنو حاجه مفيده او ممكن تشفع لي
مابلقى كتير !!
فلازم ابدأ أي حاجه بسرعه ومن الان الان !
اعتقد انا الان في مرحله نوعا ما في سلام نفسي
بعمل الحاجه ومابندم عليها اذا كانت غلط حتعلم منها كانت خير ليا فشي
كويس !
(أحيانا بتحلطم بس اهم شي
النيه يعني ههه)
من هنا كل حاجه بدأت
9-10-2018
مامعروف تطلع للعلن متين
التدوينه
القادمه سنه تالته طب اسنان !
20-11-2018
ان شاءالله
تعليقات
إرسال تعليق