اختبار القدرات
السلام عليكم ورحمه الله وبركاته
Helo how are you ?!
miss you and I miss the blog wallah
ياانه وحشني البلوق بس شنسوي عاد ان
شاءالله اليوم او بكرا بنزل بوست عن الباربيكيو بارتي اللي في بيت لما J
طيب خلنا نرجع لموضوعنا لليوم اللي هو
القدرات بتكلم عن تجربه شخصيه التحصيلي باقي مادخلت فماعرف عنه كثير اما القدرات
نعالو نمخمخ مع بعضينا
اول شي اذا انتي بثانية ثنوي عندك 4 فرص
يعني اختبار فكل ترم واذا بثالث فرصتين والحين صار 3 مع اختبار المحوسب
القدرات اول شي في منه ورقي اللي هو
تختبرين بورقة وتظللي بمرسمه (قلم رصاص هما يعطونك اياه), والمحوسب يعني
بالكمبيوتر
ينقسم لقسمين لفظي : ماافتكر بالزبط بس
كان على مااعتقد الكلمه الشاذه وترادف وقطعه وفي كمي : اللي هو مسائل حسابيه من
جبر وهندسه
طيب كيف تذاكري ؟ بتكلم عن نفسي انا اول
اختبار ليا كان العام الترم الثاني (الترم الاول راح عليا) شوفوا هوا انا ذاكرت بس
مش ديك المذاكره يعني ذاكرت أي كلام اللهم اني ذاكرت صراحة عشان ماكنت اعرف ايش
هوا ولا كيف نظامو كنت اذاكر من التجميعات واشتريت كتاب اسمو على القدرات نقدر كان
ممتاز بس بسيط جدا بس كافي لانه يفهمك اش هوا ويعلمك شويه طرق لكيفيه الحل السريع
الاختبار مكون من 5 اقسام تحلي كل قسم
في 25 او 26 دقيقه كل قسم يحتوي على 25 او 24 سؤال
انا وبنتين من زميلاتي كان يجينا استاذ
مصري كان كل خميس لمده اربع اسابيع من الساعه 8 الين 11 يعني ترجعي البيت وانت
مهلوكه قواكي العقليه كلها استنفذت هههه بس منجد كان مرة صعب كان يقولنا عشان انتو
جيتو متاخر الناس تبدا تذاكر قبل شهرين تلاته وانتو دوبكم تجو يعني انتو فاهمين
انو كان يعطينا حصص 3 شهور فشهر !!
انا اقولكم هيا بصرااحة الاستاذ فرررق
معايا كتير يعني في اشياء كتير جات في الاختبار من اللي كان بيقولوا صح مو نفس
الشي بالزبط بس نفس الفكره وكان يعطينا ملازم واوراق اختبار نحلها كان شي مرة
مكثثف طبعا هذا كان بس حق الكمي اللفظي كانوا يروحو لاستاذ تاني وانا مادخلت لاني
عارفه انو مستوايا حمدلله كويس في اللفظي ومنجد في النسبه اللفظي الحمدلله اعلى من
الكمي وزدت من الاختبار الاول قريب 11 درجة ونسبتي الصراحة راضيه عنها تمام الرضا
بالاضافه للاستاذ اشتريت كتاب قياس 1 جميل جدا فيلو اختبارات كتير فكل ماحسيت نفسي
فاضيه قمت احل اختبار قسم كامل جدا جميل وحملت في اللاب قدرات 1 نفس فكره قياس 1
بس حبيت قياس اكتر معرف ليش
الاختبار في نسبه كبيره من الحظ مااقول
لا لان لاحظت في كثر اجتهدوا من جد تعبو مرة وماجابوا نسب وبالمقابل في بنات
ماذاكروا ومافتحوا شي وجابو نسب عاليه ! فهذي جهه لكن كمان المذاكره لها دور فعال
يعني انتي لو فاهمه بتحلي
وفي النهايه اتمنى التوفيق للجميع وان
شاءالله كلكم نسب عاليه J
تعليقات
إرسال تعليق